சீடன் & நடுநிசி நாய்கள்

நாமளும் சினிமா பத்தின பதிவு எழுதி ரொம்ப நாளாச்சேன்னு ரெண்டு படம் பார்த்தேன், ஒன்னு சீடன் இன்னொன்னு நடுநிசி நாய்கள், இந்த ரெண்டு படத்தை பத்தியும் சொல்லனும்னா, அபாரம், அற்புதம், பிரமாதம்னு சொல்லுவேன், யாருக்குன்னு கேட்குறிங்களா என்னோட பொறுமைக்குதான், முதல்ல சீடன்..

பழனியில செட்டிலாகி இருக்குற பாட்டிக்கு எல்லா வேலையும் செஞ்சு தரதுக்கு ஒரு வேலைக்காரிய வெச்சிருக்காங்க, அவங்க அனன்யா,

சும்மா சொல்லக்கூடாது வருசம் 16 குஷ்பு மாதிரியே சூப்பரா இருக்காங்க, அவங்க முருக பக்தை, உங்க வீட்டு பக்தி எங்க வீட்டு பக்தி இல்லைங்க, ங்கொக்கா மக்கா பக்திங்க, காலையில கண்ணு முழிக்கறதுல இருந்து நைட்டு தூங்கற வரைக்கும் ஆ வூன்னா முருகன்கிட்ட போய் பேசுறது விளக்கு பத்த வைக்கிறதுன்னு ஓரே பக்தி மயம், இதையேதான் பத்து சீனாவது காட்டுறாங்க, பட்ஜெட் படம் போல, அனன்யா கனவுல கல்யாணம் ஆகற மாதிரி கனவு வருது, அந்த கனவுல வர ஆளு நம்ம பாட்டியோட பேரன், 

பாட்டியோட பேரன் லண்டன் போறதுக்கு முன்னாடி பாட்டியோட இருந்துட்டு போகலாம்னு வராரு, வந்த இடத்துல வேலைக்காரி அனன்யாவ பார்த்தவுடனே லவ் பண்ண ஆரம்பிச்சிடராரு, இவ்வளவு அழகான வேலைக்காரி எல்லா வீட்டுலயும் இருந்தா யார்தான் லவ் பண்ண மாட்டாங்க, கனவுல பார்த்த ஆளாச்சேன்னு இவங்களும் லவ் பண்ண ஆரம்பிக்கிறாங்க, இப்படி இவங்க ரெண்டு பேரும் மொக்கையா லவ் பண்ணிட்டு இருக்கும் போதே, ஹீரோவோட அம்மா சுகாசினி வேற இடத்துல பொண்ணு பார்த்துடறாங்க, மத்த நார்மல் ஹீரோவா இருந்தா அம்மாகிட்ட சொல்லி கல்யாணம் பண்ணிக்க நினைப்பாங்க, ஆனா நம்ம ஹீரோ அம்மா செல்லமாம், இவருக்கு புடிக்காதத அம்மா செய்ய மாட்டாங்களாம், அம்மாவுக்கு புடிக்காதத இவரு செய்ய மாட்டாங்களாம், அதுசரி முதல்லயே சொல்லி இருந்தாதான் இண்டர்வெல்லயே படம் முடிஞ்சிருக்குமே

அதனால அனன்யாவும் ஹீரோவும் லவ் வேண்டாம்னு பிரிஞ்சிடுராங்க, மகனுக்கு புடிக்காதத செய்யாத சுகாசினி மேடமும் நீங்க ரெண்டு பேரும் பிரிஞ்சிருங்க, இல்லைன்னா குடும்ப கவுரவம் கெட்டு போயிரும்னு சொல்லிடுறாங்க, அப்படியே அனன்யா ரொம்ப பீல் பண்ணி எனக்கு ஏன் கனவுல அவர காட்டுன, இப்ப பிரிச்சிட்ட, அதனால இனிமே உன்ன பார்க்க மாட்டேன், சாமி கும்புட மாட்டேன், விளக்கு பத்த வைக்க மாட்டேன்னு முருகன் கூட டூ விட்டுடுராங்க, உடனே முருகர் சும்மா இருப்பாரா,

பயங்கரமான பேக்கிரவுண்ட் மியூசிக்கோட நம்ம தனுஷ் தண்ணிக்குள்ள இருந்து எந்திரிச்சு வராரு

நம்ம ரசிகப்பெருமக்களும் விசிலடிச்சு பேப்பர் எல்லாம் பறக்க விட்டு குதியாட்டம் போட்டாங்க, சரி தனுஷ் ஏதாவது பெரிசா செய்வாருன்னு பார்த்தா .......................... போங்க பாஸ், இதுக்கு மேல படத்த பத்தி சொன்னா எனக்கு தூக்கம் தூக்கமா வருது, தனுஷ்தான் லார்ட் முருகர், ஈசியா சேர்த்து வைப்பாருன்னு பார்த்தா கழுத்த சுத்தி மூக்க தொட்டாலும் பரவாயில்லை, இவரு கை கால் உடம்பு எல்லாத்தையும் சுத்தி ஒரு வழியா மூக்க தொட்டு முடிக்கராரு, 

படத்தோட மியூசிக் டைரக்டர் தினாவுக்கு இது அம்பதாவது படமாம், முதல் 49 படத்துக்கு யார் சான்ஸ் கொடுத்தாங்கன்னு தெரியல, மியூசிக் பிரமாதம்(?) அம்பதாவது படமில்ல:-) ஏதோ புலி வருது ரேஞ்சுக்கு தனுஷ்க்கு பில் டப் கொடுத்துட்டு இருந்தாங்க டிவியில, இந்த ரோல்ல நடிக்கறதுக்கு சும்மாவே இருந்து இருக்கலாம் தனுஷ், விவேக்க பத்தி சொல்றதுக்கு ஒன்னும் இல்லை, படத்தோட சேர்ந்து அவரும் கொல்றாரு, டைரக்டர் சிவா ஒரே ஒரு திருடா திருடி படத்த கொடுத்துட்டு அடுத்து வரதெல்லாம் மொக்கை படமா கொடுத்தா எப்படிங்க பாஸ், 

எது எப்படியோ குடும்பத்தோட பார்க்க கூடிய படமா மட்டும் சீடன் இருக்கு, என்ன பத்து இருபது கொட்டாவி விட வேண்டி இருக்கும் அவ்வளவுதான்...

நடுநிசி நாய்கள்

கெளதம் மேனன் எடுத்த இந்த ஒரு படத்தால பதிவுலகமே ரெண்டு பட்டு போயிருக்கு, இந்த நேரத்துல இந்த படத்த பத்தி எழுதறது சரியா இருக்காது, இருந்தாலும்,

பயணம் படத்துல ஒரு டயலாக் வரும், படம் பார்க்குறதுக்கு நல்லா இல்லைன்னா பரவாயில்லை, கேட்குறதுக்கே நல்லா இல்லையேடான்னு, அந்த டயலாக் இந்த படத்துக்கு முழுக்க முழுக்க பொருந்தும், இத்தோட நானும் நிறுத்திக்கிறேன், 

இந்த படம் முடிஞ்சு எல்லாரும் எந்திரிச்சு போகும் போது ஒரு இரண்டு பேர் தியேட்டர் சீட்டுல சரிஞ்சு கிடந்தாங்க, எல்லாரும் எழுப்பி பார்த்தாங்க முடியவே இல்லை, கடைசியில தியேட்டர் ஊழியர் ஒரு பக்கெட்டுல தண்ணி கொண்டு வந்து அவங்க மூஞ்சில ஊத்தினாங்க அப்பவும் எழுந்திரிக்கல, சரி இந்த பஞ்சாயத்த பார்த்துட்டு இருந்தா வேலைக்காகதுன்னு நான் கிளம்பி வந்துட்டேன், ஒருவேளை படத்த பார்த்த அதிர்ச்சியில மயங்கிட்டாங்களோ????