கமர்சியல் பக்கங்கள் - 09/03/2011

காங்கிரஸ் 63 சீட் கேட்குதுன்னும் அதுவும் அவங்க கேட்குற சீட்டே கொடுக்கனும்னும் சொல்லி டார்ச்சர் பண்றாங்கன்னும் கூட்டணியை விட்டு வெளியேற போறதா திமுக கட்சி தலைவர் சொன்னாரு, நான் கூட 63 சீட்ல நிக்க கூடவே ஆளும் வேணும்னு கேட்டாங்க போலன்னு நினைச்சுட்டு இருந்தேன், இப்ப பார்த்தா 63 சீட்டையே காங்கிரசுக்கு கொடுக்கறதா ஒத்துகிட்டு மறுபடியும் கூட்டணி வெச்சுகிட்டாங்க, அந்தளவு ஸ்பெக்ட்ரம்மால பாதிக்கப்பட்டுட்டாங்க போல, இரண்டு கட்சியோட தொண்டர்கள்தான் பாவம், கூட்டணி முறிஞ்சு போச்சுன்னு நினைச்சு பட்டாசெல்லாம் வெடிச்சு காச கரியாக்கிட்டாங்க, இப்ப அவங்கவங்க கட்சி தலைமை தொண்டர்கள் மூஞ்சில கரியப்பூசிட்டாங்க, இதயெல்லாம் பார்க்கும் போது மெளனம் பேசியதே படத்துல சூரியா ஒரு டயலாக் பேசுவாரு, ’’எதுக்குடா இந்த மானம் கெட்ட பொழப்புன்னு’’ அதுதான் ஞாபகத்துக்கு வருது :-))))

போன வருசம் சட்டசபைக்கு ஜெயலலிதா 50 நாளும் விஜயகாந்த் 10 நாள் மட்டும் வந்தாங்களாம், ஜனங்க இவங்களை ஓட்டு போட்டு தேர்ந்தெடுத்து அனுப்புறது மக்கள் பிரச்சனையை பேசவா இல்லை தங்களோட பிரச்சனைய பார்த்துக்கறதுக்கா? இவங்க ஜெயிச்சா அவரு உள்ள வரமாட்டாரு, அவங்க ஜெயிச்சா இவங்க உள்ள வரமாட்டாங்க, இப்படியே போனா எப்படிங்க? இந்த லட்சணத்துல அம்மா ஜெயிச்சா அய்யா கட்டுன சட்டசபைக்கு போக மாட்டாங்களாம், அப்ப அவ்வளவு பணம் போட்டு கட்டுன சட்டசபையை என்ன பண்ண போறாங்கன்னு தெரியல, ஸ்கூல் பசங்களுக்கு கூட குறிப்பிட்ட அளவுக்கு அட்டனன்ஸ் இல்லைன்னா தேர்வு எழுத முடியாதுங்கறாங்க, ஆனா இந்த அரசியல்வியாதிகள் மட்டும் சட்டசபைக்கே வரலைன்னாலும் அடுத்த தேர்தல்ல நிக்கிறாங்க, இது என்னங்க நியாயம், வளர்ற புள்ளைங்களை ரூல்ஸ் போட்டு கொல்லுங்க, நீங்க மட்டும் கொடநாடு ஏற்காடுன்னு போய் ரெஸ்ட் எடுங்க, கடுப்புக்ள கிளப்பிக்கிட்டு...

                                      
கேபிள் சங்கர் சார் கொத்து புரோட்டா பதிவில பார்த்தேன், அவரோட பதிவை காப்பி பண்ணி போட்டு இருக்கறதை பத்தி எழுதி இருந்தார், அதனால எனக்கு தெரிஞ்சதையும் சொல்லனும்னு நினைக்கிறேன், நானே எனக்கு தெரிஞ்சத ஏனோ தானோன்னு கிறுக்கிட்டு இருக்கேன், இதுவரைக்கும் பெரிசா ஹிட்சோ இல்லை பாப்புலரோ ஆனதில்லை, ஆனா என்னோட பதிவையும் காப்பி அடிச்சு ஒருத்தர் போட்டு இருக்காரு, நான் அவருக்கு மெயிலோ இல்லை பின்னூட்டமோ எதுவும் அனுப்பலை, எல்லாம் முடிஞ்சதுக்கு அப்புறம் தாம்தூம்னு குதிச்சு என்ன பிரயோஜனம் ஆகப்போகுது,  

பதிவுதிருட்டை ஒழிக்க முடியாது, ஒரு தளத்துல இருந்து எடுத்து போடும்போது லிங்க் கொடுக்கலைன்னாலும் குறைந்தபட்சம் நன்றியாவது தெரிவிக்கலாமில்லையா? அவரோட தளத்துல நிறைய பதிவுகள் இருக்கு, உங்களோடது ஏதாச்சும் இருக்கான்னு செக் பண்ணி பார்த்துக்கோங்க..,

என்னுடைய ஒரிஜினல் பதிவு...

திருடப்பட்ட பதிவின் லிங்க்...

தலைப்ப மட்டும் மாத்தி இருக்காங்க, ஆனா பாருங்க எனக்கே தோணலை இப்படி ஒரு தலைப்பு வைக்கலாமான்னு :-))))))))

தானைதலைவர், பவர் ஸ்டார், டாக்டர் எல்.சீனிவாசன் அவர்களோட லத்திகா படம் ரிலீசுக்கு தயாராகிருச்சாம், வர்ற 18ம் தேதி ரிலீசாகுது, கோடம்பாக்கமே கதிகலங்க போகுது, அய்யோ டிக்கெட் கிடைக்குமான்னு தெரியலியே, என்ன ஆனாலும் சரி முதல் ஷோ கண்டிப்பா பார்த்துடனும, படத்த பத்தி மேலும் தெரிஞ்சுக்கணும்னா கீழ இருக்குற லிங்க்ல பார்த்துக்கோங்க

http://iravuvaanam.blogspot.com/2010/10/blog-post_15.html

என்ன பார்த்துட்டீங்களா? சும்மா அதிருதுல்ல...

தமிழ் சினிமா ஸ்டார்களோட காமெடி

கமல் - எனக்கு பொண்ணுங்கனாலே புடிக்காது

ரஜினி - எனக்கு 20 வயசுதான் ஆகுது

பாக்கியராஜ் - நான் சூப்பரா டான்ஸ் ஆடுவேன்

தனுஷ் - நான் தமிழ்சினிமாவோட அர்னால்டு

ராஜ்கிரண் - எனக்கு ஜீன்ஸ்சுன்னா உயிரு

சூர்யா - என்னோட உயரம் 6.2

சிம்பு - நான் ஒரே ஒரு பொண்ணைத்தான் காதலிக்கிறேன்

விஷால் - நான் பொறக்கும் போதே வெள்ளைதான்

கடைசியாக

விஜய் - டேய் எங்க அம்மா சத்தியமா நான் நடிகண்டா

நன்றி - இந்த ஜோக்க அனுப்புனது நம்ம மெட்ராஸ்பவன் சிவக்குமார்

கவிதை

வெட்கப்பட தெரியுமா

என் கேள்விக்கு

வெட்கத்தைப் பதிலாக

தரும் உன்னிடம்

ஈர உதடுகளை 

ஈரப்படுத்திக் கொண்டு

கேட்கத் துடிக்கிறேன்

முத்தமிடத் தெரியுமா?

நன்றி - ரமேஷ்

                                       

இந்த வீடியோவை பாருங்க, நானும் விஜய் டிவி, கலைஞர் டிவின்னு நிறைய மானாட மயிலாட பாத்திருக்கேன், அதுல கோரியோகிராபி, கோரியோகிராபின்னு பறந்து பறந்து விழுகறது, அழுகறதுன்னு காமிப்பாங்க, ஆனா இந்த மாதிரி ஒரு கோரியோகிராபியை பார்த்ததில்லை, ரொம்ப அருமையா பண்ணி இருக்காங்க, எத்தனை நாள் பிராக்டிஸ் பண்ணி இருப்பாங்கன்னு தெரியல, அவங்களோட உழைப்புக்கு ஒரு ராயல் சல்யூட்..

அன்புடன்
இரவுவானம்